Montag, 29. Februar 2016

De lütten Rummeldulsch het wat to verteeln!


Moin tosam!

As ick güstern in Nüst leegen heb, dor kun ick nee inschloppen, ick heff mi van de een Siet op de anner trüllt, wiel min Gedanken sick in Kreis dreiht heebt.....
Ick wul all so laang wat up plattdütsch moken, ober dat is gar so eenfach.....denn dat snacken is ja nich de Malesche, aber dat Schriven is so ne Sook.....denn ick heb noch nie in min Leeven wat up plattdütsch upschreben .....
Wenn du dat denn an de Computer moken deist, denn is ja allens root ünnerstrieken, dat mokt di ganz rammdosig....und du weetst nich, is dat nu richdig or nich......un mit de "Translator" is dat ock so een Sook, de keent  keen plattdütsch ( Peck för all min Besöökers ut de Swienz un dat doot mi ock leed).
In Schol hebbt we dat ja nich lehrnt un en Sprook snacken und dat opschriven, dat sün jo twee verscheden Poor Schoh......
Min Keerl ( dat heet hier so, man seggt nich Ehmann, so fien sün wi hier nich, dat töhnt en büschen handfaster), de kann dat jo gaarnich ( ick heb nokeeken, dat wat im plattdütschen tosomm schrieven), dat veerstohn dat geit juest noch, ober dat snacken geit nich, he kann bloot en Word un dat is "Isenbahnpohl-Op-un-dall-Dreiher", dor is he ook mächtig stolz up.

Ick bün jo so en richdig Deern van de Waterkant un wenn ick plattdütsch hörn do, dann is dat för mi Musik in mine Uhrn....Ick leeve dat vun Harten.....
Miene Tick-Tack-Oma hat jümmers mit mi platt schnackt und min Tant ock.
Nu is dat so, wenn min Keerl un ick Tee drinken dot, dann schnackt ick van süllmst platt, dat is eenfach so.....dat is wie en Stück Heimoot.,,,wenn de Kluntje in de Tass knistert und ick de Melk sehn do, wie sick dat as en Wulk verdeelen deit, dat is so typisch norddütsch.
Un ick konn jo ock noch genau fertellen wann dat anfangen is, genau an deem Dach wo we in Greetsiel ween sünd. Ick glöve, dat is en Virus :-), en oostfreesisch Virus.....Must uppassen, wenn du door büst, kann di ock passeern ......
Vuundach is dat jo mehr anseggt wat op englisch  to moken, van weegen "international Besöökers", ober dat is mi nich so wichdig......Man mut sick jo ock mol van de annern avhebben, dat hier soll een lütje Versöök sin düse moi Sprook to erholn. Denn wat veel Minschen nich weten deit is, dat plattdütsch en Sprook is und keen Dialekt.
As ick vuundach in Boodstuuv ween bün, ha ick mi extra eenen Block mitnohm, denn juest wenn du de Tähnenbössel in Hand hest, dann fallt di wat in, op ji dat glövt or nich, ick bün kuum dorto komen me de tähn to bösseln.....sovööl is me infallen.....ober dat verteel ick jo een anner mol.......

Ick bün to de Sluss komen, dat de Rechtschreibung ne so wichdig is, ick mok dat sozuseggen no Geföhl.....
Ach jo, ji wult bestimmt noch weeten, wat een "Rummeldulsch" is.....Dat is een lütten "Wirbelwind"
All min Besöökers ut de Swiez mot dat hier ünner "Gehirn-Jogging" loopen looten......

So dat is genoog vöör hüüt, bit ton annermol.

Hol jo all hüddelig un mokt dat good!

De Rummeldulsch






Teilen