Dienstag, 1. März 2016

De lütten Rummeldulsch het wat to verteeln!......Min Februor




Moin tosamen!

In düsse Maand is nich so veel passeert, dat is een ganz ruhige Tied ween, ober dat kuun jo ock mol schöön sien.
Ick bün veel tofoot ünnerwägens ween un de Sünn het ock ehr Nöös fooken ut de woolken streekt.



Ick hebb Billers sortert van mine Famillje


De eersten Blom han ehr Köppe ut Eer steeken un han as we ook de Süün willkoum heten.



Bi de Käuh bün ick ock ween, as jümmers. De een Klav mit de Nummer 5708  is so tautrulich, ween de mi süht, dann koomt dat jümmers an un will sin Striekeleenhaiten. 



Ich heb noch een moi Gedicht vuun......düsse Deern schnackt mi ut Haart.....






Sünst het dat nee veel Neeis gäben.........


  1. Letzt Freedach sünd wi in Theoter ween, een Famillje-Oper "Reise nach Tripiti". Ick ha dacht, dat schaal wohl wat mojes ween, ober dat weer stinklangwielig un dat seggt ick jo nich fooken, denn egentlich is dat Programm goot. De Musik is kin Musik ween, dat weer bloot Krach un deen Figuren ut dat Stück heet de Seel fält. Dat weer överhaupt nich iuse Gesmack. Min Keerl de woll all noh de Paus no Huus gohn, ober dat heb ick nich inseihn......we heebt vöör de Quatsch jo ock betoolt. Ick hebt em kloor mokt, dat dat nich geiht un dat he dor dör mööt,  dat het er denn ock inseen. We hebt uns deen Quatsch bis to Enn ankeeken......To Huss hebt wi uns denn een Apérol-Spritz mokt un de Welt is weer in Reech ween....  
  2. Güstern hebbt wi denn ock dat letzt Mol Grönkohl kokt. Vamörns ha ick dat Geföhl dor sünd Backsteen in min Buuk, ick ha Buuk-Kniepen un er hett ock Musik mokt, dat weer een Geduddel , nich ton utholen, dat geng up un dool..... offwoohl ick een Schluck achteran drunken hebb un wi hebbt ock noch een Ründen dreiht, dat sick de Kohl beeter verdeelen dot. Dat mut van all dat Fleesch kum, all de Pinkel-Wuurst, de Kock-Wuurst un deen Speck, ober dat muss dor jo in, sünst smeckt dat jo nich.....
  3. Un denn hebbt wi ock noch Bratappels mokt, dat Besünners dor an is, dat wi en büschen Bohn-Soop ( vör all, de dat nich kennt, dat ist Brandwein mit Rosinen), dor indoon hebbt. Dat hett lecker smeckt.

Bratappels mit Bohnsoop un dor to een Kribbelwater mit Rum-Pott





So, mehr givt dat ne to mellen, nu mokt dat good, välen Dank dat ji vörbikiekt hebbt.
Hol jo hüdelig,

de lütten Rummeldulsch


Teilen