Montag, 21. März 2016

De lütten Rummeldulsch het wat to vertelln!.......Fröhr het dat anners hetten, all dat neemodsch Krom


Moin tosamen!

Vandag muss dat jo allens en englischen Nomen hem, sünst is dat jo man nich in.....un so manches Mol muss ick richtig överleggen, wat dat önig hetten schall.....


  • Fröhr het dat nohdenken, nu seggt se "Brainstorming"
  • Fröher han sick de Verleevten en Breef schreven, vandag gifft dat en "SMS"
  • Fröher hebt de Kinner speelt, vandag moht se en "Game"
  • Fröher het dat Musik, vandag het dat Sound
  • Fröher büst du in Urlaub forn, vandag goest du in Holidays 
  • Fröher hest du "Moin" seggt, vandag het dat "Hey" un denn kanns froh wen, wenn se överhaupt wat seggt hebt
  • Fröher hest du en Dööntjes vertellt, vandag is dat en "Story"
  • Fröher hest du en Spazeergang mokt, vandag goest du walken
  • Fröher büst du in Ballje gon, vandag mokst du "Wellness"
  • Fröher büst du ton Hoorschnieder gon, vandag het dat "Stylist"
  • Un dor kriest du ock keen Hoorschnitt, sünnern en "Haircut"
  • Fröher hebbt wi en Kakao drunken, vandag is dat en "Milkshake"
  • Fröher büst du en Mol üm Pudding peest, vandag goest du joggen
  • Fröher hest du Sport mokt, vandag mokst du "Fitness"
  • Fröher büst du mit en Drohtesel ünnerwegs wen, vandag büst du mit dat "Bike" togang
  • Fröher ha dat Middageeten heten, vandag "Lunch"
  • Fröher büst du to de Autowäsch gon, vandag is dat de "Car-Wash"
  • Domaals ha dat upputschen heten, hüüt is dat "Doping"
  • We hebbt noh Turnschoh droogen, hüüt het dat "Sneakers"
  • Fröher hest du Steefels droogen, vandag sünt dat "Boots"
  • Vör en poor Johrn hest du di en Film ankeeken, nu is dat en "Movie"
  • In min Jugend het dat noch Nietenbüx heten, nu is dat en "Jeans"
  • Fröher is min Moder ton Utverkoop gohn, nu het dat "Sale"
  • Fröher hest du in en Book keeken, nu ist dat en "(E-)-Book
  • Domaals han wi en Pingelkasten, nu is dat en "I-Pad"
  • As ick noch jong wen bün wer dat noch en Trainings-Büx, nu het dat "Jogginghose"
  • Fröher hest du di Pomade in Hoor smert, vandag ist dat "Hair-Gel"
  • As jonge Deern hebb ick en Schlüpper an hadd, nun het dat "Slip" un denn ganz lütten "String", dor hest du denn gaarnix mehr um Mors to
  • Fröher hest du di en Krimi ankeeken, nu is en "Thriller"
  • Ick ha fröher en Bodderbrot mit in School kreegen, nu is dat en "Sandwich"
  • Fröher ha dat "Man gau!" heten, nu seggt se "Action!"
  • Fröher hebbt wi Wiehnachten fiert, nu is dat "Christmas"
  • Fröher hest du wat ut tweete Hand kreegen, nu is dat "Secondhand"
  • Domaals hest du wat mit noh Huus nomen, nun het dat "Take-Away" or "For to go"
  • Fröher hest du up dat Blag van de Nobbers uppasst, nu het dat "Baby-Sitting"
  • Fröher ha dat Mood hetten, nu "Fashion"
  • Domaals ha dat Intrittskort heten, nu kriggst du en "Ticket"
  • Fröher hest du din Nöös in Kees-Blatt insteken, nu sünd dat "News"
  • Fröher hest du di Körper-Creme up Panz smerrt, nu het dat "Body Lotion"
  • Domaals büst to en Fierstünn hen, nu is dat en "Event"
  • Fröher hebbt wi en Utflug mokt, nu is mokt man en "Tour"
  • Fröher hest du din Arbeet mokt, vandag mokst du din "Job"
  • Fröher weer dat en Schau, nu is dat en "Show"

Man, man, man, dor warst du ganz rappelig in Kopp, wenn dat nich en englischen Nom het, dann gilt dat glieks as ooltbacken......Un wenn du de Reklaom kiekst, dor versteihst du jo blot de Hälft, dat gifft blot nüms to.
Ick bedur dat sehr, denn so geiht unse wunnerbaare Sprook immer mehr verlorn......


Nu segg ick "Tschüß", bit ton anner Mol,
hol jo all hüdelig!

De lütten Rummledulsch










Kommentare:

  1. Liebe Ophelia, ich weiss gar nicht, was Du an Deinem Blog ummodeln willst?!
    Deine Beiträge und Dein Gesamtauftritt ist so professionell und fundiert und originell! Bleib bloss, wie Du bist!
    ...
    heute war es einfach... ich habe einfach nur die letzten Worte in der Liste gelesen. Die "von heute". Den Rest führe ich mir später zu Gemüte, als Vorbereitung auf meine Norddeutschlandreise! P.

    AntwortenLöschen
  2. Das ist aber eine lange Liste geworden.
    Langsam schleichen sich die Wörter ein.
    Ein toller Beitrag - wirklich!
    Liebe Grüße

    AntwortenLöschen
  3. Fröher heßt me en Breef schreven, vandaag schrievs Du in en "Blog". Dat geit oock flotter.
    LG aus dem modernen Westfalen
    Hol die hüddelig
    Michael

    AntwortenLöschen

Teilen