Montag, 7. März 2016

De lütten Rummeldulsch het wat toverteln!.....Kinners, wo is blot de Tied bleven? # 1



Min Öllern hebt över 50 Johrn in ehrem Huus wuont, ober nu heet dat Affsched nehmen......De Goorden is to groot un min Vadder is nich mehr so good up de Fäuten, dat is schwoor won mit de Treppen in Huus. Ober för ehm is dat nich so licht wechtosteken, denn er is dor groot worn, in dat Noberhuus het sin Oma wuont un dor is he ock opwussen. Dat wat för ehm en haarte Tied, all dat torüchlotten un nomol van vörn aanfangen.......
Wie dat bi de meesten is, wenn se ut Ollers-Grünne uttrekken mööt, so wüllen ock min Öllern dat allens een beten lücker hem, schall heten, dat se sick van so manchen Deel, dat se tiedlebens bi sick haan, trennen mööt.
De Schür weer vull mit all de Tüüch, wat man so bruuken doot, wenn man een Goorden het un ock een Handwarker is......
Nu bruugt se kin Thunschär, kin Schneischuuver, kin Warktüch un ock kin Rasenmeiher.......
Wenn du denn gaanz veel Glück hest, denn finst du noch een glücklich Afneemer för oll dat Tüch, de Rest möötst du dann wechsmieten......dat nützt gar nix......
So ahnlich is dat ock mit den Stuuv-Schapp ween un mit all de annern Schapen int Huus......Door hest Du noch Plünnen vun, dor hest du goornich mehr wust, dat du dat hest....un du paast dor ock siet Johrn nich mehr in. Un di faalt ock noch wat in Hannen, wat du nich mehr bruken kanns, ober dor haangt Dööntjes an.......
De Einnerungen an gaanz wunnerbaare Tieden, wo du de Nächt döördanzt hest, an de Leeder, an de jung Johrn, an oll de Frünn, an gaanz besünners Ogenblicken.....
Jo, dor kummt en beten Trurigkeit up.....




De Kult-Disko in Schörtens










Dat drövst du vandach nich mehr seggen....."Negersekt"......


Dat sind noch Tieden ween un de Priesen, dor kanns du hüt nur no van drömen.....
Nortürlich wat min Brör dat Stück-Tiedgeschichte behollen und villicht wat dat dann in veelen Johrn sine Dochter in Hannen fallen un ick hoop, ock se dat ock upbewaarn  dot vör eer Kinner.....



Nu wünsch ick jo all een goode Tied, bit ton annermol.....
Hol jo hüdelig, de lütten Rummeldulsch




Teilen