Montag, 4. April 2016

De lütten Rummledulsch het wat to verteeln!.... Wet ji wat en "Bedd-Molly" is?


Moin tosamen!

Ick hebb jo allverteelt, dat min Öllern ut ehr Huus utstreekt, wiel dat to groot worn is.
Nu han se jo all dat Tüch utrümt ....Dat Warktüch hebbt se wechgeven, Kleer in Rootkrüüzbüddel steeken, all deen Papiertüch is in Aschemmer kum .....Ji mööt weten uns Familje dat sünd all Sammlers un Jager, wi könt allns bruuken, ock wenn wi no nich weet wovör........
In Schlop-Stuuv stund en Schapp un dor achtern weer Platz, dor kunst du wunnerboor wat hinstellen, all so Tüch, wat man önnig nich bruukt.....Dat het ock min Voder doon, gaanz ton Arger van min Moder. As se nu uttrooken sünd, is min Moder dor achter deen Schapp kruupt un wull door kloor Schipp moken. Se het bold en Dahlslag kreegen.......denn dor ween stapelwies Tietschriften, allns wat Mannslü so leesen dot......van wegen "Sportbild", de "ADAC-Blatt" u.s.w.
Nu is dat dor so eng ween achter deen Schapp, dor muust du bold de Luft anhooln un dien Buuk intreeken un muust  uppassen dat du di nich de Kösel inhaust .....man good, dat min Moder so en slanken Gazell is. Min Voder ha sick no düsse "Uprüm-Aktion" waarm antreeken mööten, min Moder weer in Braast......Ober wie geseggt, wi sünd Sammlers un Jagers ......dat ha se önig weeten mööten, no över 50 Johrn......
No un no het se dat all wechsmetten un denn is no en Relikt tau`n Vorschien kum, dat glöövt ji nich, dat is ut de letzten Johrhunnert ween.......En "Bedd-Molly"! 30 Johrn het dat Ding nu achter denn Schapp stoon, nuems het dat vermist un nu is dat en Museums-Stück, en echte Rarität!
Ick wuss eerst gaarnich wat dat is.....


Dat is de "Bedd-Molly", en Beddwaarrmer
Dat kuumt ünnert Bedd-Deken un etwedder du hest en warm Nüst or dat Huus brännt......




Ick bün jo ock so en ollen Frostköödel, ober ick naim jümmers en Püll mit in`t Bedd, dat is so moi kuschlich......So en Gestell dat is jo een richtich Moonster....

So, mehr gifft dat vandach nich to berichten......
Moi, dat ji all vöörbikeeken hebbt, välen Dank, bit toon anner mol.

Hol jo all hüdelig,
de lütten Rummeldulsch











Kommentare:

  1. Liebe Ophelia
    Eh klar ALLES VERSTANDEN ;-), zumindest dass wir Sammler und Jäger sind,
    das ist schon mal was.
    en Beddwaarrmer - super
    Lg und schönen Wochenbeginn.
    Sadie

    AntwortenLöschen
  2. Oioioioiiii, son Bedwarmer ess en bannig gefaarlik Ding. knip man blos datt Kabel aff, domit kein Mensch op domm Gedanken kümmt.
    Lg ut dem sekeren Westfalen
    Michael

    AntwortenLöschen
  3. Das mit Jäger und Sammler kenne ich :-)
    Aber das Teil wäre mir doch zu gefährlich, da würde ich lieber zu Wollsocken und Strickjacke greifen - nimmt ja auch einen Haufen Platz weg :-)
    Liebe Grüße

    AntwortenLöschen
  4. Hallo Ophelia,
    viel verstanden habe ich nicht. Ein Relikt aus dem vorigen Jahrhundert und dann was von Aufräumaktion und 30 Jahren? Ist das eine Art Wäschetrockner? Ich hoffe es folgt noch eine Auflösung des Rätsels, oder habe ich sie nur nicht verstanden?
    LG Heidi

    AntwortenLöschen
    Antworten
    1. Nein, das ist ein Bettwärmer ;-)! Aber als Wäscheständer geht es sicher auch.....
      LG, Ophelia

      Löschen

Teilen