Montag, 23. Mai 2016

De lütten Rummeldulsch het wat to verteeln......De Ünnerscheed tüschen de Freesen un de Swiezer


Moin Tosammen!

Wi Freesen sünd jo man en Volk för sick un veele "Utlänners" könt so manche Sooken nich verstohn....We sün eben heel egenwillig.
Manch en könt glatt menen wi sünd en büschen anners as de annern un wat schall ick seggen, dat stimmt ock. Un wi sünd dor ock noch stolz up.......Un vörallen sünd wi stolz up uns Sprook, de klingt as Klaveer-Musik in uns Uhrn......

  • We hebbt Braadtuffels, hier het dat Rösti
  • We eet Gröönkohl un hier hebbt se en Pott mit Kääs un stippt ehr Broot dor in
  • We hebbt unsere Tee-Tied um clock 9, de mokt Znüni
  • We drinkt moi Ostfeesen-Tee un hier Schümli Kaffee
  • Dorto gifft dat en Stück Stuten, hier gifft dat en Croissont 
  • We hebbt uns Diek, de levt achter de Berge
  • Uns Käuh sünd schwaart-wit, hier sünd de bruun
  • Be uns het dat Granat un hier Chrevetten
  • We hebbt Gummi-Stevels, hier hebt se Wanderschoh
  • We hebbt Schwat-Brood, hier gifft dat Ruchbrot
  • Bi uns het dat "Moin" un hier "Grüezi"
  • We kiekt övert Diek un hier luegt se
  • We krupt rüm un se kraxelt 
  • We hebbt Krüllkoken un se Guezli
  • We hebbt Rouladen un hier het dat Fleischvögel
  • We uns het dat lecker, hier seggt se fein
  • We got in de Autowarksteed un hier is dat de Garage
  • Wat för uns dat Mettbrötchen is, dat is hier dat Gipfeli
  • We supt dat "Jever" un hier das "Quöllfrisch"
  • We hebbt Bloom un hier het dat Blümli
  • We hebbt Tuffels un de Swiezer Härdöpfel
  • We foort mit Pettmansülben un hier het dat Velo 
  • We hebbt en Pott un de en Pann
  • We hebbt unsern "Schimmelreiter" un de hebbt "Heidi"
  • We hebbt de Seehunn un se de Steinböck
  • We hebbt uns "Otto" un hier is dat "Giacobbo"
  • We sünd up`n Swutsch un hier sünd se in Usgang
  • We mokt Urlaub un de Ferien
  • We hebbt Huuspuschen un de Finka
  • Be uns an de Küst gifft dat Mööven, hier sünd dat de Elster
  • We hebbt Storm un de Föhn

Hier drövst du ock nich eenfach so "Tschüß" seggen, dat drövst du blot to "Dutzies" seggen, schall heten, wenn du de Lü dutzen dost.
Jo, dat sünd hier all arme Lüüd, de keent kin Ostfreesen-Nerz un kin bosseln.
De wet nich wat Bessensmieten is un hebbt ock kin Ebb un Floot un wiet kiecken könt se ock nich, denn se hebbt de Barge vör de Nöös. un dat allerschlimmst.....
Se könt kin platt snacken.....un hebbt ock kin Tee-Tied.....Nu wet ick nich wat slimmer is......


So, bit ton annermol, hol jo all hüdelig!
Leeve Groeten, de lütten Rummeldulsch














Teilen